ഇന്നലെ ഫ്ലാറ്റിനുള്ളിൽ പെസഹ അപ്പം മുറിച്ചപ്പോ
പുറത്ത് അമേരിക്കൻ ക്യാമ്പിൽ നിന്നും വാങ്ങേണ്ട
'ശിവാസ് റീഗലിന്റെ' ഷെയറിന്റെ രോദനം കേട്ടു ..
'നീ പത്ത് അവൻ പത്ത് ഞാനും പത്ത് '...!!
മൊത്തം 'മുപ്പതു' ദിനാർ ....!!!
ദുഖ വെള്ളിയിലും പള്ളിയിൽ പോയില്ല ഞാൻ....!!
മുരടിച്ച വെള്ളിയാഴ്ചയിൽ മുഖം മൂടിക്കിടന്ന്
കയ്യിൽ കിട്ടിയ തീപ്പെട്ടിക്കോല് കൊണ്ട്
മുപ്പതു ദിനാറിൽ നിന്ന് മുപ്പതു വെള്ളിക്കാശിലേക്കുള്ള
ദൂരം അളക്കുകയായിരുന്നു ഞാൻ....!!!
എനിക്കിന്നലെ ദുഃഖ വ്യാഴമായിരുന്നു.....
ഇന്ന് പെസഹാ വെള്ളിയും ... !!!
മൂന്നു നാളുകൾക്കപ്പുറം ഞാനുയിർക്കുമ്പോൾ
ഇനിയും ഷെയർ ചോദിച്ച് ആരും ഇത് വഴി വരരുത് ...
എന്റെ പാനപാത്രം ഞാൻ എന്നേ ഉടച്ചുകഴിഞ്ഞു ... !!
കുരിശു ചുമന്നവനെ മാപ്പ് ......!!!!!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ